Sluit aan by die Hinterland-span

Hinterland is 'n relevante rolspeler in die landbou- en plattelandse gebiede van sentraal Suid-Afrika met meer as 1 800 werknemers, 58 takke, 53 vulstasies, 20 landbou besigheid bestuurders en meer as 60 personeellede wat ondersteuning bied vanaf die hoofkantoor in Klerksdorp. Die bedryfstruktuur is só opgestel dat daar op 'n daaglikse basis met soveel as moontlik produsente geskakel kan word, hetsy by wyse van plaasbesoeke, georganiseerde boeredae of deur transaksionering met produsente by een van ons takke of deur 'n aanlynondervinding.

Hinterland Korporatiewe DVD

Hinterland met sy hoofkantoor in Klerksdorp, beskik oor 'n dinamiese korporatiewe kultuur wat getuig van goeie waardes en beginsels. As maatskappy is etiese optrede vir ons baie belangrik en elke werknemer se bydrae tot ons doelwitbereiking word hoog op prys gestel. Hierdie deelnemende kultuur skep die geleentheid vir werknemers om met inisiatiewe vorendag te kom en in te koop in die handelsmerkstrategie. Hier word jy deel van die Hinterland-familie, wat beteken dat jy deel is van 'n waardegedrewe kultuur waar hegte verhoudings gekweek word. Hinterland bied 'n positiewe werksomgewing waar jy met respek behandel word. Ons behandel mekaar en ons klante met plattelandse vriendelikheid en bou waardevolle, langtermyn-vriendskappe.

Spanbou

Funksies

Aksies

Hinterland het 58 handelstakke, 53 vulstasies, 3 kiosks, 2 gerieflikheidswinkels en 2 supermarkte wat strek oor ses van die nege provinsies in Suid-Afrika. Met 45 bedryfspunte in die Vrystaat, 32 in Mpumalanga, 11 in KwaZulu-Natal, 5 in die Noord-Kaap, 14 in Noordwes en 12 in Gauteng spesialiseer Hinterland in die bemagtiging van produsente deur die verskaffing van insetmiddele vir ‘n wye verskeidenheid boerderypraktyke.

Wesselsbron

Potchefstroom

Wesselsbron

Nampo

Wesselsbron

Die suksesvolle kleinhandelsbesigheid wat handel dryf as AFGRI Town&Country, FarmCity en Senwes Village bied ook ‘n wye verskeidenheid hardeware en geriefsprodukte aan die algemene publiek, soos besproeiingstoerusting, selfdoenprodukte, hardeware, dieregesondheidsprodukte, veevoer en brandstof.

By Hinterland is daar verskillende loopbaangeleenthede:

Verkryging
- Aankoper
- Voorraadbeplanner
- Bestelklerk
- Administratiewe Klerk
- Grafiese Ontwerper
Bemarking
- Bemarkingsbestuurder
- Landbou Besigheid Bestuurder
- Openbare Betrekkinge en Geleentheid Koordineerder
- Debiteur Klerk
- Spesialis Verkoopsklerk
- Eksterne Verkoopskonsultant

Finansies & Administrasie
- Finansiële Direkteur
- Finansiële Bestuurder
- Rekenmeester
- Nakomingsoffisier
- Volhoubare Verbetering
- Besigheidsanalis
- Proseskontroleerder
- Opleidingsbeamptes
Besproeiing
- Besproeiing Ontwerp Ingenieurs
- Besproeing Ontwerpers
- Grondkundiges