Dienste

Hinterland bring jou 'n kleinhandelservaring soos min, met nie minder nie as 63 kleinhandelafsetpunte in ses provinsies onder die AFGRI Town&Country, FarmCity en Senwes Village handelsmerke. Met meer as 1 800 bedryfspersoneel, 20 landbou besigheid bestuurders en bemarkers tot u diens, asook 56 brandstofstasies om uit te kies, is dit so reg in jou kraal.

 
N E X T P R E V
 

Herontdek Landboubesproeiing

Hier bied ons verskeie dienste:

  • Akkurate opmetings deur gekwalifiseerde opmeters en besproeiingskundiges.
  • Besproeiingstelselontwerpe vir alle gewasse. Stelsels wat deur Hinterland ontwerp en voorsien word sluit in: mikro-besproeiingstelsels, drupbesproeiing, spilpunte, ondergrondse drupstelsels, tinkie/AF160 oorhoofse stelsels asook pypleidings en pompstasies.
  • Hidro-meganiese stelselontwerpe.
  • Watergedrewe kragopwekkingsoplossings.
  • Elektriese kragbehoefte soos: VSD-stelsels veranderlike spoeddryf, kVA behoeftes, transformators en elektriese kabelgroottes.
  • Outomatisering van stelsels
  • Konstruksieontwerpe vir pompkamers, gronddamme (kategorie 0-3), betononttrekkingspunte en vlotte.
  • Algemene waterdienste soos waterregistrasies, waterverifikasies en waardasies, waterlisensies, aanvraag vir water, effektiwiteitstudies, artikel 33 – herimplementering van verlore water voor kwalifiserende tydperk, omgewingsimpakstudies en Geo-hidrouliese studies.

Vir meer inligting, kontak Guilliam Oberholster deur 'n e-pos te stuur aan guilliam.oberholster@hinterland.co.za

Herontdek Veesorg

By die vee-oplossingsdienste is die klem op produk, tegniese dienste en dan ook opleiding.

Met jarelange standvastige verhoudings met die mees erkende verskaffers in die veewaardeketting, is ons in staat om die regte produk op die regte tyd teen bekostigbare pryse te bied deur ons gevestigde netwerk van kleinhandelafsetpunte. Die verhouding wat Hinterland met die grootste verskaffers van veevoere en dieregesondheidmiddels het, strek in baie gevalle oor etlike dekades. Daarom is ons trots op die produkaanbieding wat ons vandag aan die produsent beskikbaar stel en ons is konstant besig om ondersoek in te stel na nuwe produkte en tegnologie om te verseker dat ons produsente aan die voorpunt van hul bedryf bly.

Ons tegniese dienste sluit kuddebestuursprogramme in soos gesondheids-programme, voervloeibeplannings, die formulering van rantsoene, produksie-insetkoste, asook seleksie- en telingsprogramme in. Ons skakel in by bestaande studiegroepe en boereverenigings, wat ons as platforms gebruik vir die oordrag van die nuutste tendense in die bedryf, en bied ook ons eie inligtingsdae aan vir die doel.

Ons plaas ‘n groot premie op opleiding. Nie net interne opleiding om te verseker dat ons personeel op hoogte is van die nuutste tendese en produkte in die mark nie, maar ons glo ook in die waardetoevoeging van eksterne opleiding en daarom kan ons plaaswerkeropleiding aanbied en gaan binnekort ook ‘n boere slagoskeurings-opleiding aanbied, waar ons beide boere uit die stoet- sowel die kommersiële bedryf wil betrek.

Hinterland is ook trots om vanjaar die hoofborg van die Nasionale interraskampioenskappe in Parys tydens @ALFA te wees, waar die land se nasionale manlike en vroulike interraskampioendiere aangewys is.

Phillip Lee is die diereproduksie-oplossingsbestuurder by Hinterland. Kontak hom gerus by 082 971 8692 of stuur 'n e-pos aan phillip.lee@hinterland.co.za

Herontdek Direkte Insette

Herontdek direkte insette met enigiets van saad, kunsmis, landbouchemikalieë, direkte brandstofaflewerings asook klanteoplossings. Verder fasiliteer ons ook:

  • Direkte brandstoflewerings op plase deur ons netwerk van verskaffers.
  • Bystand met spesiale/vooruitaankope;
  • Opberging van sekere vooruitaankoopprodukte;
  • Pasgemaakte finansieringspakkette in samewerking met ons vennote, Senwes Credit en Unigro;
  • Toegang tot landboudienste en -oplossings.

Kevin Smit is die Bestuurder: Insetverskaffing by Hinterland. Kontak hom gerus by 083 458 1306 of stuur 'n e-pos aan kevin.smit@hinterland.co.za

Herontdek Hinterland Fuels

Meer as 56 diensstasies verskaf 50ppm en 500ppm diesel teen kompeterende pryse, sowel as meer as 90 miljoen liter brandstof aan tevrede klante.

Derik Wolmarans is die brandstof afdelingsbestuurder by Hinterland. Kontak hom gerus by 018 464 7353 of stuur 'n e-pos aan derik.wolmarans@hinterland.co.za